陳鴻烈病逝

聽到呢個消息真係灰到想喊,"同事三分親"同"畢打自己人"係近年我最鐘意既劇集,幾乎晚晚都睇.冇左大閆生既畢打,就好似冇左個自己人一樣,唉.

願大閆生安息.

EOS 5D

刨左好多日二手區,終於鎖定左買5D.雖然新出既7D有強橫既功能,但睇過唔少用7D影出來既相,覺得同我而家用緊既450D影出來既質素冇咩分別,因為大家都係APS-C機.

而且7D既價錢唔係太吸引,好多功能我都用唔著,例如連拍同錄影,我鐘意慢慢影.睇過好多5D同5DII影出來既相,覺得相當唔錯,尢其果種透視感同質感,最初都唔識睇,但睇得多都會發現到D野.5DII價錢太貴,但影出來既相既質素唔會拋離5D太遠,因為大家都係FULL FRAME.有人更加斷言5D既發色要比5DII好,我經常留意某個台灣攝影師既blog,佢就係用5D將model影到出神入化,而且用既並唔係咩貴鏡.對於我來講,質素要比操控或其他功能更加重要.

於是就約左個賣家,原來係個女仔,都幾有禮貌,部機大致上ok,有晒盒同配件.返到屋企試左一陣,比我想像中既好,雖然係4年前出產既機,但手感同操控都拋離450D幾條街,感覺好爽.難怪咁多人不惜工本要玩FULL FRAME.

要好好善用呢部機.

第六個隊友

幾年前拋下一句"我以後都唔會再打籃球"便絕塵而去,從此消失於牛津場.幾年後的今天再次重返球場,技術依舊,令人驚喜.

一個喜歡打籃球的人又怎會輕易放棄,早已預料你的歸來,歡迎歸隊,To.